Журналіста «Белсата» аштрафавалі за матэрыял, які не выйшаў у эфір
4- 23.05.2017, 11:57
- 14,327
Рэха Дня Волі для незалежных журналістаў чуваць і ў траўні.
Новымі штрафамі за супрацоўніцтва з нашым тэлеканалам пакаралі журналістаў Паўла Мажэйку і Сяргея Русецкага, паведамляе «Белсат».
Суды адбыліся сінхронна ў Горадні і Віцебску
«Максімальнае асвятленне самых гарачых падзей выклікае такую рэакцыю. Гэта штраф «Белсату», а не мне», — упэўнены Павал Мажэйка
«Абсурднасць у тым, што матэрыял, які я збіраў, не выйшаў у эфір, бо менскія падзеі «перабілі» віцебскія і таму абсалютны абсурд, але гадзіну мы страцілі ў судзе», — адзначыў Русецкі.
Суд Кастрычніцкага раёна Віцебска пастанавіў аштрафаваць журналіста, які супрацоўнічаў з «Белсатам», на Br460 рублёў. Справу разглядала суддзя Алеся Жарыкава. Сяргея Русецкага абвінавацілі ў тым, што ён працуе на замежны сродак масавай інфармацыі без акрэдытацыі і 25 сакавіка, падчас святкавання Дня Волі ў Віцебску, незаконна збіраў і распаўсюджваў медыя-прадукцыю.
Аналагічнае абвінавачанне выстаўлена супраць Мажэйкі
Атрымаў 529 рублёў штрафу за каментаванне для @Belsat_TV падзеяў на Дзень Волі ў Гродне. Журналістыка ў BY - кура, якая нясе залатыя яйкі :)
— Pavał Mažejka (@PMazheika) 22 мая 2017 г.
Яго прысудзілі да Br 529 рублёў штрафу, пастанову агучыла суддзя Ленінскага раёна Горадні Пятрова. Доказамі ў адміністратыўнай справе паслужылі здымкі з «твітэру» журналіста.