Ілля Івашка атрымаў грант Фонду развіцця турніраў «Вялікага Шлема»

Міжнародная тэнісная федэрацыя абвясціла імёны чатырнаццаці тэнісістаў з 12 краін свету.

Яны ўпершыню сталі ўладальнікамі гранту міжнароднага Фонду развіцця турніраў «Вялікага Шлема» (Grand Slam Development Fund). Новая праграма Міжнароднай тэніснай федэрацыі мае на ўвазе вылучэнне бюджэту сумаю $650 000 на аплату выдаткаў спартоўцаў па ўдзелу ў міжнародных турнірах, з мэтай аказання ім дапамогі ў станаўленні прафесійнымі тэнісістамі і ў будучыні - новымі зоркамі турніраў «Вялікага Шлема».

Сярод уладальнікаў гранту ёсць беларускі тэнісіст Ілля Івашка, паведамляе tennis.by.

Таксама грант атрымаюць Джурабек Карымаў і Сабіна Шарыпава з Узбекістана, Эліяс Емер і Рэбека Петэрсан з Швецыі, а таксама Крысціян Гарын (Чылі), Лойд Харыс (ПАР), Лі Дак Хі (Паўднёвая Карэя), Беатрыс Адад Мая (Бразілія), Унс Джабір (Туніс), Вікторыя Томава (Балгарыя) і Рэната Сарасуа (Мексіка).