Арыяна Грандэ наважыла скасаваць гастрольны тур пасля Манчэстэра
- 23.05.2017, 12:51
- 13,325
Амерыканская спявачка не пацярпела падчас тэракту, але шакаваная тым, што адбылося.
Амерыканская спявачка Арыяна Грандэ не пацярпела падчас тэракту на стадыёне ў Манчэстэры, але шакаваная тым, што адбылося.
«Я разбіта. Ад усяго сэрца кажу, што мне вельмі шкада. У мяне няма слоў», - напісала Арыяна Грандэ ў Twitter.
Арыяна Грандэ плануе перапыніць гастрольны тур. Пра гэта паведамляе сайт TMZ (пераклад – ria.ru), які спецыялізуецца на інфармацыі пра вядомых людзей. Паводле звестак крыніцы сеткавага рэсурсу, спявачка «знаходзіцца ў стане істэрыкі і не можа прыйсці ў сябе».
Праграма тура меркавала, што 25 і 26 траўня Грандэ выступіць з канцэртамі ў Лондане на стадыёне Арэна O2. Пасля гастроляў у Вялікабрытаніі ў найбліжэйшыя тыдні планаваліся выступы Арыаны у Бельгіі, Польшчы, Нямеччыне, Швейцарыі, Францыі і іншых краінах. Графік тура пад назвай Dangerous Woman («Небяспечная жанчына») распісаны аж да канца верасня.