Не стала актора бандыяны Роджэра Мура

Знакаміты артыст сышоў на 90-м годзе жыцця.

На 90-м годзе жыцця памёр брытанскі актор Роджэр Мур, вядомы дзякуючы выкананню ролі Джэймса Бонда.

Пра гэта са спасылкай на сваякоў артыста паведамляе BBC News (пераклад - lenta.ru).

У сям'і Мура заявілі, што актор памёр у Швэйцарыі пасля «кароткай, але адважнай» барацьбы з ракам. Пахаванне адбудзецца ў Манака.

Мур выканаў ролю агента 007 у сямі фільмах - «Жыві і дай памерці» (1973), «Чалавек з залатым пісталетам» (1974), «Шпіён, які мяне кахаў» (1977), «Месячны гоншчык» (1979), «Толькі для тваіх вачэй »(1981), «Васьміножка» (1983) і «Погляд на забойства» (1985). Пасля сыходу з бандыяны артыст стаў паслом добрай волі ЮНІСЕФ, заняўшыся дабрачыннай працай.