З 1 чэрвеня ў Менску запрацуюць адкрытыя басейны

Два з трох адкрытых сталічных басейнаў пачнуць працу з наступнага месяца.

Гаворка ідзе пра аквапарк «Дрымлэнд» і Палац воднага спорту. Акваторыі на вольным паветры на тэрыторыі «Лебядзінага» ўжо працуюць. Tut.by пазнаёміўся з коштамі і распавядае, чаго чакаць у летнім сезоне.

Аквапарк «Дрымлэнд» пачне працу ўжо з 1 чэрвеня. У гэтым сезоне кошты будуць вагацца ад 18 да 24 рублёў за ўваход у буднія дні да 22-28 рублёў у выходныя. VIP-зона з лежаком, парасонам, колам і парковачным месцам каштавацьме 40 рублёў з чалавека. Таксама на сайце аквапарку паведамляецца аб папярэднім продажы ўваходных білетаў (купіўшы да 1 чэрвеня, госць плаціць 18 рублёў). Тэрыторыя, акрамя саміх горак, басейнаў і зон для адпачынку, абсталяваная раздзявальнямі, прыбіральнямі, а таксама некалькімі летнімі кавярнямі.

Летняя акваторыя Палаца воднага спорту таксама пачне працаваць з 1 чэрвеня. Кошты пакуль не паведамляюцца (нагадаем, у мінулым годзе дзіцячы білет (ад 5 да 14 гадоў) каштаваў 6 рублёў, дарослы - 12. VIP-зона каштавала 18 рублёў. Лежакі ўваходзілі ў кошт). Затое вядома, што паводле традыцыі адкрыецца вялікі басейн з мінеральнай вадой, а таксама 2 дзіцячыя басейны, застанецца адгароджаны VIP-сектар - тэрыторыя з абмежаванай колькасцю наведвальнікаў, асобным басейнам, шэзлонгамі і матрацам у вольным доступе. Таксама прадоўжаць працу летнія кавярні і душавыя. Ахвотным сумясціць адпачынак ля басейна з актыўным у Палацы воднага спорту прапануюць пляжны валейбол, вялікі тэніс, пляжны футбол, стрытбол ды іншыя актыўныя забавы.

Аквапарк «Лябяжы» ў асноўным ведаюць як аквапарк пад дахам, але ў яго ёсць і адкрытая зона, якая ўжо працуе. Гаворка ідзе пра неглыбокі басейн для дашкалят з дзіцячай пляцоўкай пасярод і басейн для дарослых з шэзлонгамі па перыметры. Для аматараў адрэналіну тут усталяваныя яшчэ і чатыры горкі. Асобных квіткоў у адкрытую зону не існуе, так што заплаціць давядзецца за наведванне аквапарку. Кошты на летні сезон 2017 года за ўваход у аквазону без SPA наступныя: ад 25 да 36 рублёў за ўваход для дарослага ў будні дзень, да 28-42 рублёў за ўваход у выходныя. Мінімальны сеанс - 3 гадзіны.

Акрамя таго, на тэрыторыі аквапарку ў мінулым годзе запрацавала SPA-зона з шэзлонгамі, басейнам з падагрэвам і з паслугай дастаўкі напояў і ежы проста да месца адпачынку. Адкрыта яна і ў гэтым годзе (паслуга даступная з 20 траўня), але з новым традыцыяй: тэрыторыя даступная за асобную плату. Кошт уваходнага білета ў SPA-зону 10 рублёў.

Загарадны клуб Club Beach, які адкрыўся два гады таму, пакуль не працуе. Тэрміны адкрыцця таксама невядомыя.