У Кувейце злавілі голуба з малюсенькім заплечнікам на спіне

Заплечнік выявіўся не простым, а з «сюрпрызам».

У Кувейце мытная паліцыя злавіла голуба, да спіны якога быў прымацаваны маленькі заплечнік з наркатычнымі рэчывамі. Пра гэта паведамляе Al Arabiya (пераклад - nn.by).

Адзначаецца, што ў заплечніку паліцыя выявіла 178 таблетак, якія ўтрымліваюць наркатычныя рэчывы.

Супрацоўнікі аддзела адсачылі голуба і злавілі над будынкам ля мытнага аддзела. Таксама паведамляецца, што птушка прыляцела ў Кувейт з Ірака.