Столтэнбэрг: Санкцыі супраць РФ з'яўляюцца надзвычай важнымі
- 25.05.2017, 21:42
- 10,431
Генеральны сакратар NATO адзначыў, што Нямеччына і Францыя паставяць на нефармальным саміце пытанне пра невыкананне менскіх пагадненняў.
Генеральны сакратар NATO Енс Столтэнбэрг адзначыў важную ролю санкцый Захаду супраць Расеі, а таксама выказаў сваю падтрымку ўвядзення гэтых санкцый. Пра гэта ён сказаў перад нефармальным самітам NATO, які праходзіць у Брусэлі, паведамляе «Радыё Свабода».
«Я падтрымліваю санкцыі. Думаю, што санкцыі з'яўляюцца надзвычай важнымі як рэакцыя на супрацьпраўную анэксію Крыма і недастатковую імплементацыю менскіх дамоўленасцяў», - заявіў Столтэнбэрг.
Напярэдадні ён адзначыў: не выключана, што Нямеччына і Францыя паставяць на нефармальным саміце пытанне пра невыкананне менскіх пагадненняў.
Столтэнбэрг дадаў, што альянс NATO устурбаваны невыкананнем рэжыму спынення агню, адвядзення цяжкай тэхнікі ад лініі судакранання, а таксама недапушчэннем да працы місіі назіральнікаў ад АБСЕ.
24 траўня 2017 года ў Менску на пасяджэнні гуманітарнай падгрупы баевікі зноў зацягвалі працэс вызвалення закладнікаў.