Парашэнка: G7 павінна перамагчы Расею ці пацярпець катастрофу
1- 27.05.2017, 14:17
- 16,228
Прэзідэнт Украіны нагадаў лідарам Вялікай сямёркі, што палітыка прымірэння не працуе.
Расея не спыніць агрэсію, пакуль ёй не звяжуць рукі. Пра гэта гаворыцца ў калонцы прэзідэнта Украіны Пятра Парашэнкі на сайце Politico.
«G7 - клуб паважаных краін і сусветных лідараў, з якога выключылі Расею - можа дакладна адказаць агрэсару. Крэмль не павінен мець магчымасці змыць кроў са сваіх рук і пазбегнуць адказнасці за крадзеж Крыма і вайну на Данбасе», - піша Парашэнка.
Прэзідэнт падкрэсліў, што калі Захад мае сур'ёзныя намеры ўсталявання міру і парадку, ён павінен мець на ўвазе - «аднаўленне нармальных стасункаў з Расеяй усё яшчэ праходзіць праз Кіеў».
Парашэнка на прыкладзе Другой сусветнай вайны падкрэсліў, што палітыка прымірэння з агрэсарамі не працуе.