Трамп: Краіны NATO пагадзіліся плаціць больш
3- 27.05.2017, 15:28
- 6,608
Пасля павелічэння выдаткаў на абарону краіны NATO стануць нашмат мацнейшыя.
Шэраг краін - удзельніц Паўночнаатлантычнага альянсу пагадзіліся павялічыць выплаты ў бюджэт NATO, паведаміў у сваім Twitter прэзідэнт ЗША Дональд Трамп, піша «Гордон».
«Многія краіны NATO пагадзіліся істотна павялічыць выплаты. Грошы пачынаюць паступаць - NATO будзе нашмат мацнейшым», - напісаў Трамп падчас свайго знаходжання на саміце G7 у Італіі.
Трамп таксама нагадаў пра сустрэчу лідараў краін G7, якая праходзіць 27 траўня. «Вельмі шмат важных спраў абмяркоўваецца. Першым у спісе, несумненна, з'яўляецца тэрарызм», - адзначыў Трамп.
Many NATO countries have agreed to step up payments considerably, as they should. Money is beginning to pour in- NATO will be much stronger.
— Donald J. Trump (@realDonaldTrump) 27 мая 2017 г.
25 траўня на саміце NATO ў Брусэлі Трамп раскрытыкаваў партнёраў у Альянсе за тое, што яны, на яго думку, недастаткова інвестуюць у NATO. Трамп заявіў лідарам краін Альянсу, што яны павінны павялічыць свае абаронныя выдаткі як мінімум да 2% ВУП, тады як цяпер толькі некаторыя з 28 сябраў NATO выконваюць гэта абавязанне.
Са слоў Трампа, гэта несумленна ў адносінах да падаткаплацельшчыкам ЗША, піша BBC.
25 траўня генеральны сакратар NATO Енс Столтэнберг заяўляў, што адна з прычын, па якой краіны - сябры Альянсу ўкладаюць больш сродкаў у калектыўную абарону, - гэта агрэсія Расеі ва Украіне.