CNN: Трамп мае намер прадаць палову стратэгічнага запасу нафты ЗША
15- 28.05.2017, 11:46
- 8,740
Такія меры змогуць прынесці значны прыбытак бюджэту краіны і пахіснуць сусветныя кошты на «чорнае золата».
Прэзідэнт ЗША Дональд Трамп збіраецца прадаць палову стратэгічнага нафтавага рэзерву, паведамляе ў нядзелю CNN (пераклад – izvestia.ru).
Як удакладняе тэлеканал, у якасці абгрунтавання такіх мераў адміністрацыя кіраўніка дзяржавы называе рост здабычы «чорнага золата» на тэрыторыі ЗША.
Паводле звестак мінэнэрга краіны, у яе сховішчах цяпер знаходзіцца блізу 688 млн бараляў нафты. Гэтага запасу хопіць краіне на 149 дзён, што перавышае 90-дзённы мінімум, патрабаваны Міжнародным энэргетычным агенцтвам (МЭА).
Пры гэтым продаж паловы стратэгічнага рэзерву зможа прынесці значны прыбытак бюджэту краіны, паколькі цяпер кошты на нафту ўсталяваліся на ўзроўні $50 за бараль, а запасы рабіліся пры яе сярэднім кошце $29,70 за бараль.