Фотафакт: На апошні званок у Крыме выпускніца прыйшла ва ўкраінскай вышыванцы
8- 28.05.2017, 15:30
- 17,379
Дзяўчына свядома адважылася на акцыю пратэсту.
У акупаваным Крыме выпускніца адной са школаў прыйшла на апошні званок у вышыванцы. Пра гэта паведамляюць «Навіны Армянска».
Менавіта такім чынам дзяўчына надумала выказаць свой пратэст расейскім акупантам.
Выпускніца пазней на сваёй старонцы ў сацсетцы напісала – гэты пратэст звязаны з тым, што так званыя мясцовыя ўлады спрабуюць закрыць рэлігійную суполку, да якой яна належыць («Новае жыцьцё», – рэд).
«Царква Новае жыццё афіцыйна забароненая ў Расеі, але дазволеная ва Украіне. Праваахоўныя органы адмовіліся на гэта рэагаваць», – гаворыцца ў паведамленні.
Нагадаем, што 18 траўня ва Украіне адзначаецца Дзень вышыванкі.
Расея акупавала Аўтаномную рэспубліку Крым у 2014-м годзе. Вярхоўная Рада Украіны афіцыйна абвясціла 20 лютага 2014-га пачаткам часовай акупацыі Крыма і Севастопаля Расеяй. Ключавыя міжнародныя арганізацыі, у тым ліку Генеральная асамблея ААН, асудзілі дзеянні Расеі і назвалі анэксію і акупацыю Крыма незаконнай. Супраць РФ былі ўведзеныя эканамічныя санкцыі. За правядзенне Масквой так званых выбараў з удзелам Крыма ў 2016-м годзе парламент Украіны прызнаў Дзярждуму РФ нелегітымнай.