У Пецярбургу стаматолаг з карыслівых мэтаў выдаліла пацыентцы 22 здаровыя зубы

Лекарка зарабіла на пацыентцы больш за 14 тысяч даляраў.

Стаматолаг з прыватнай клінікі ў Пецярбургу стала фігурантам крымінальнай справы аб махлярстве: яна выдаліла пацыентцы 22 здаровыя зубы, зарабіўшы больш за 800 тыс. расейскіх рублёў, паведамляе interfax.by са спасылкай на прэс-службу Галоўнага следчага ўпраўлення СКР па горадзе.

«З матэрыялаў крымінальнай справы вынікае, што ў 2014 годзе падазраваная ў адным з дамоў у Фрунзенскім раёне ўвяла ў зман 43-гадовую мясцовую жыхарку адносна аб'ёму аказання стаматалагічных паслуг, выдаліла апошняй 22 здаровыя зубы, усталяваўшы «масты» неналежнай якасці і атрымаўшы ад пацярпелай больш 843 тыс. рублёў», - гаворыцца ў паведамленні ведамства.

У дачыненні да 40-гадовай падазраванай распачатая крымінальная справа паводле частцы 3 артыкула 159 КК РФ (махлярства). Следства правярае інфармацыю аб аналагічных магчымых злачынствах лекара. Вырашаецца пытанне аб абранні меры стрымання для падазраванай і выстаўлення ёй абвінавачвання, адзначае СКР.