Актывы беларускіх банкаў прадаўжаюць скарачацца

Пяць банкаў ужо знаходзіцца ў стадыі банкруцтва або ліквідацыі.

Як паведамляе Нацыянальны банк Беларусі, паводле стану на 1 траўня 2017 года ў краіне былі зарэгістраваныя 29 банкаў і 3 нябанкаўскія крэдытна-фінансавыя арганізацыі. Пры гэтым пяць банкаў знаходзяцца ў стадыі банкруцтва або ліквідацыі, піша ej.by.

Колькасць банкаў і нябанкаўскіх крэдытна-фінансавых арганізацый з замежным удзелам у статутным капітале склала 20, пры гэтым у 14 банках доля ўдзелу замежных інвестараў у статутным фондзе перавышала 50%.

Сукупны зарэгістраваны статутны фонд дзейных банкаў з пачатку 2017 года павялічыўся на 0,3 млн рублёў. На 1 траўня 2017 года яго велічыня склала 4720 млн руб.

Актывы банкаў на 1 траўня 2017 года склалі 61914,7 мільёнаў рублёў і зменшыліся з пачатку 2017 года на 4%. Доля актываў у замежнай валюце паменшылася з 61,7% на 1 студзеня 2017 года да 59,4% на 1 траўня 2017 года.

Удзельная вага патрабаванняў да эканомікі (суб'ектаў гаспадарання і фізічных асоб) у актывах банкаў на 1 траўня 2017 года склала 64,8% (на 1 студзеня 2017 года - 62,5%).

Нарматыўны капітал дзейных банкаў паводле стану на 1 траўня 2017 года склаў 8798,4 мільёнаў рублёў і павялічыўся ў параўнанні з 1 студзеня 2017 года на 57,3 мільёнаў рублёў або на 0,7%. Дастатковасць нарматыўнага капіталу на 1 траўня 2017 года склала 18,9% (на 1 студзеня 2017 году - 18,6%) пры нарматыве, не меншым за 10%.

Дастатковасць нарматыўнага капіталу на 1 траўня 2016 года складала 16,9%. Рэнтабельнасць нарматыўнага капіталу ў гадавым вылічэнні на 1 траўня 2017 года склала 10,8%.