Суд прыпыніў разгляд пазоў «Мілкавіты» да 205 супрацоўнікаў
6- 30.05.2017, 16:57
- 19,510
У справе будзе праведзеная праверка.
Суд паводле пазову ААТ «Мілкавіта» да 205 сваіх супрацоўнікаў спынены да сканчэння праверкі, якая павінна выявіць канкрэтных вінаватых у нястачы малака на значную грашовую суму. Такую пастанову сёння прыняў суд Савецкага раёна Гомеля, паведамляе «Белсат».
«Справа прыпыненая да сканчэння правядзення праверкі праваахоўнымі органамі», - паведаміў прадстаўнік незалежнага прафзвязу РЭП Леанід Судаленка, які займаецца юрыдычнай дапамогай працоўным «Мілкавіты».
Нагадаем, нястача на «Мілкавіце» ўтварылася з лістапада 2016 да лютага 2017 года, яе сума – 141 533 рубля (блізу 70 тысяч еўраў). Адказваць за гэта, з пункту гледжання кіраўніцтва завода, павінны ўсе работнікі цэха натуральнай малочнай прадукцыі, уключаючы прыбіральшчыц і грузчыкаў.