Прафзвяз РЭП гатовы змагацца за кожнага работніка «Мілкавіты»

Праз вялікую колькасць адказчыкаў і каласальную сумы пазову справа стала рэзананснай.

Гомельская «Мілкавіта» падала на сваіх супрацоўнікаў у суд: цяпер 205 чалавек павінны выплаціць наймальніку блізу 70 тысяч еўраў. Прычына – выяўленая ў лютым нястача малочнай сыравіны, якая ўтварылася за тры месяцы, а адказваць за нястачу цяпер павінны ўсе супрацоўнікі аднаго цэха, па-за залежнасці ад пасады (нават звольненыя да цяперашняга моманту).

Прадпрыемства патрабуе кампенсацыі шкоды ад сваіх супрацоўнікаў, таму што з кожным з іх была падпісана дамова аб калектыўнай матэрыяльнай адказнасці, а значыць – адказваюць усе, нават калі працавалі не з малочнай сыравінай.

Першае выязное пасяджэнне суда Савецкага раёна пройдзе ў актавай зале «Мілкавіты» 30 траўня, паведамляе praca-by.info.

Прафсаюз РЭП заклікае ўсіх супрацоўнікаў «Мілкавіты», гатовых бараніць свае правы ў судзе, звяртацца за прававой дапамогай.

У прававога інспектара прафсаюза РЭП Леаніда Судаленкі ў Гомелі – вялікі стаж працы з недастачамі і цэлы пералік паспяховых спраў. Гэта, напрыклад, справа Гомельскага тлушчавага камбіната, калі наймальнік запатрабаваў з 34 работнікаў выплаціць 75 тысяч рублёў шкоды; і пазоў да прадуктовай крамы, дзе незаконна быў звольнены ўвесь калектыў, ад кіраўніка да ахоўнікаў; і менш буйныя разборы – у якіх атрымалася альбо вызваліць супрацоўнікаў ад выплат, альбо значна знізіць сумы недастач:

– Мы на працягу столькіх гадоў дапамагаем знізіць сумы выплат недастач прадаўцоў, што многія, і нават суддзі, жартуюць: «Можа быць, вам ужо пара перайменавацца ў прафзвяз работнікаў гандлю?» - распавёў Леанід Судаленка журналістам.

– Мы дапамагаем тым, хто сам гатовы бараніць свае правы, – кажа Леанід Судаленка.