Беларускія ўлады прадаўжаюць залазіць у пазыкі

Вонкавая дзяржаўная запазычанасць Беларусі прадаўжае павялічвацца.

Вонкавая дзяржаўная запазычанасць Беларусі паводле стану на 1 траўня 2017 года склала $13,9 млрд, павялічыўшыся з пачатку года на $258,52 млн (з улікам курсавых розніц), або на 1,9%, паведамляе міністэрства фінансаў Беларусі, піша interfax.by.

Паводле звестак Мінфіна, за студзень-красавік 2017 года Беларусь пазычыла грошы на суму $530,3 млн. У тым ліку прыцягнута $300 млн крэдыту Еўразійскай фонду стабілізацыі і развіцця (ЕФСР), $160,7 млн крэдытаў урада і банкаў Расейскай Федэрацыі, $32,2 млн крэдытаў банкаў Кітая, $34,6 млн - крэдытаў Міжнароднага банка рэканструкцыі і развіцця (МБРР), $2,8 млн - Еўрапейскага банка рэканструкцыі і развіцця (ЕБРР).

Выплата замежнай дзяржаўнай пазыкі з пачатку года склала $337 млн, у тым ліку $98,9 млн - банкам КНР, $119,6 млн - ураду РФ, $88,3 млн - ЕФСР, $29,3 млн - МБРР, $0,7 млн - ЗША, $0,2 млн - ЕБРР.

Унутраная дзяржаўная пазыка паводле стану на 1 траўня 2017 года склала Br9,9 млрд, зменшыўшыся з пачатку года на Br0,3 млрд (з улікам курсавых розніц), або на 3,3%.

За студзень-красавік размешчана ўнутраных валютных дзяржаўных аблігацый для юрыдычных асоб і фізічных асоб на суму $356,7 млн, кампенсавана валютных і рублёвых дзяржаблігацый для юрыдычных асоб і фізічных асоб на суму $399 млн і Br33,3 млн.