«Кветкаводы» з выканкаму прыдумалі новыя «лісты шчасця» для менчукоў
45- 13.06.2017, 8:59
- 15,824
Арыгінальныя «лісты шчасця» пачалі прыходзіць у таварыствы ўласнікаў Маскоўскага раёна сталіцы.
Пра гэта Charter97.org паведаміў чытач.
«Гэтыя новыя «лісты шчасця» рассылаюць у таварыствы ўласнікаў (ТУ) і жыллёва-будаўнічыя вытворчыя кааператывы (ЖБВК). У Маскоўскім раёне Менска новы кіраўнік адміністрацыі, можа, гэта прычына», - напісаў чытач.
У лістах за подпісам намесніка кіраўніка адміністрацыі Маскоўскага раёна А.Ю. Лабко кіраўнікам ТУ і ЖБВК вельмі строга прадпісваецца засадзіць прылеглую да дамоў тэрыторыю марозаўстойлівымі кветкамі. Чыноўнікі прыкладаюць найпадрабязнейшы спіс раслін, якія трэба высаджваць, а таксама паказваюць, дзе купляць расаду і з кім раіцца наконт тэхнічнай стараны пытання. За невыкананне аўтары «лістоў шчасця» пагражаюць адміністрацыйнай судом і штрафамі.