«Аэрафлот» трэці дзень запар адмяняе дзённыя рэйсы паміж Масквой і Менскам
11- 18.06.2017, 18:52
- 13,865
Пра прычыны адмены рэйсаў не паведамляецца.
Авіякампанія «Аэрафлот – расейскія авіялініі» трэці дзень запар адмяняе дзённыя рэйсы паміж Масквой і Менскам, паведамляе БелТА.
Сярод іншых, паводле звестак онлайн-табло аэрапорта Шарамеццева, 19 чэрвеня адменены рэйс SU1842 з вылетам у 16.10 з Масквы ў Менск. Адпаведна не будзе 19 чэрвеня выконвацца і зваротны рэйс SU1843 у 18.30 з беларускай сталіцы ў Шарамеццева. Гэтыя ж рэйсы «Аэрафлот» адмяніў 17 і 18 чэрвеня.
Пра прычыны адмены не паведамляецца, на сайце перавозніка інфармацыя адсутнічае.