Гераіня расейскіх пратэстаў наважыла пераехаць з Махачкалы ў Менск

Студэнтка з Махачкалы Вольга Точаная стала вядомай пасля антыкарупцыйных мітынгаў у Расеі.

Вольга Точаная запомнілася не толькі яркім колерам валасоў, але і смелай размовай з паліцыянтам на мітынгу ў Дагестане, і фатаграфіяй затрымання, на якой яна трымае кнігу «За вашу і нашу свабоду», паведамляе «Радио Свобода».

Пасля мітынгаў, як сцвярджае Вольга Точаная, пагрозы працягнуліся, яе звольнілі з працы, а да гаспадара арэндаванай кватэры прыходзілі паліцэйскія і «намякалі, што яна звар'яцела», таму дзяўчына задумалася аб пераездзе:

«Мне вельмі падабаецца позва апошняга мітынгу. Па-першае, ён быў антыкарупцыйны, па-другое, мы баранілі сваё права на мірныя сходы. 26 сакавіка мяне таксама затрымлівалі, гэтым разам затрымалі «за дробнае хуліганства» - нібыта я лаялася, буяніла і супраціўлялася. Прычым я чула, як адзін з паліцыянтаў - начальнік - казаў, каб за мітынгі пратаколы не складалі.

Я станоўча стаўлюся да таго, што ніхто не стаў заступацца за мяне, таму што не хацелася б, каб нехта перашкаджаў дзеянням паліцыі і атрымаў тэрмін, як гэта было пасля пратэстаў 26 сакавіка. Наадварот, у інтэрнэце я спрабую ўсім растлумачыць: добра, што яны не процідзейнічалі паліцыі. Хоць хлопцы, якія там былі, яны перашкаджалі прайсці ўсё ж такі, проста целам загароджвалі.

Пагрозы працягваюцца пасля 26 сакавіка - часта пішуць тыпу «ты будзеш баяцца выходзіць на вуліцу, я цябе заб'ю, напішы свой адрас», але штосьці мяне гэта мала палохае, таму што большасць тых, каго я сустракаю, падтрымліваюць.

Я ўжо не вучуся ў ДГУ, вырашыла сысці, хоць праблем там [праз мітынгаў] у мяне ніякіх не было. Але пасля першага мітынгу мяне раптам звольнілі з працы. Я працавала мадэллю ў Махачкале. А да гаспадара кватэры прыходзілі паліцыянты, намякалі на тое, што я вар'ятка.

Я не планую заставацца ў Махачкале, можа быць, мы пераедзем у Менск. Мой муж з Беларусі, у апошніх пратэстах ён не ўдзельнічаў (супраць падатку на «дармаедства», у лютым-сакавіку 2017 году), таму што ён быў у Махачкале, але ў пратэстах у 2010 годзе ён удзельнічаў. З Менска я буду часта прыязджаць у Маскву».