Над Менскам заўважылі загадкавыя серабрыстыя аблокі

У ноч на 20 чэрвеня беларусы маглі назіраць у паўночнай частцы неба незвычайную атмасферную з'яву.

Праз асаблівасцяў сваёй прыроды аблокі свяціліся ў прыцемках, піша tut.by.

Аблокі заўважылі аматары астраноміі ў Менску і Менскім раёне. Назіраць эфектную з'яву можна было пад поўнач.

Серабрыстыя аблокі - параўнальна рэдкая атмасферная з'ява, гэта адны з самых высокіх аблокаў на нашай планеце. Яны вельмі разрэджаныя і ўтвараюцца ў мезасферы на вышыні 76-85 км над паверхняй Зямлі. Прырода іх з'яўлення пакуль не вывучаная да канца.

Гэтыя аблокі складаюцца з ледзяных крышталяў, якія адлюстроўваюць сонечнае святло. Праз вялікую вышыню і аддаленасць ад нас серабрыстыя аблокі нават уначы асветленыя прамымі праменямі сонца. Дзякуючы гэтаму здаецца, быццам яны свецяцца ў прыцемках.

Звычайна яны фармуюцца летам, калі мезасфера насычаецца парай, які ўзнімаецца з трапасферы. У нашых шыротах часцей за ўсё серабрыстыя аблокі можна назіраць з апошніх дзесяці дзён чэрвеня да другой дэкады ліпеня.

На думку экспэртаў, сёлета сезон серабрыстых аблокаў наступіў са спазненнем. Звычайна яны з'яўляюцца некалькі дзён запар, таму ў найбліжэйшыя ночы ёсць сэнс уважліва глядзець на неба.