Рассельгаснагляд увёў супраць беларускіх прадпрыемстваў новыя абмежаванні
9- 20.06.2017, 18:53
- 16,245
Абмежаванні ўведзеныя ў сувязі з парушэннямі ветэрынарна-санітарных патрабаванняў.
З 22 чэрвеня абмежаванні, у сувязі з парушэннямі ветэрынарна-санітарных патрабаванняў ЕАЭС, уводзяцца супраць паставак прадукцыі ААТ «Лунінецкі малочны завод» і ААТ «Глыбоцкі малочна-кансервавы камбінат «Браслаўскі філіял», паведамляецца на сайце. Рассельгаснагляду.
Адначасова з гэтым Рассельгаснагляд з 21 чэрвеня скасоўвае часовыя абмежаванні на пастаўкі ў РФ ялавічыны і ялавічных субпрадуктаў з прадпрыемстваў Менскай вобласці:
- ААТ «Стаўбцоўскі мясакансервавы камбінат»;
- ААТ «Менскі мясакамбінат»;
- ААТ «Слуцкі мясакамбінат»;
- ЗАТ «Агракамбінат Нясвіжскі».
Як паведамляе ведамства, у сувязі з выяўленнем парушэнняў ветэрынарна-санітарных патрабаванняў Еўразійскага эканамічнага саюза ў прадукцыі шэрагу беларускіх прадпрыемстваў-вытворцаў Рассельгаснагляд апавясціў Дэпартамент ветэрынарнага і харчовага нагляду Міністэрства сельскай гаспадаркі і харчавання Рэспублікі Беларусь аб тым, што неабходна змяніць статус некаторых беларускіх прадпрыемстваў на «ўзмоцнены лабараторны кантроль»:
- ААТ «Агракамбінат» Скідзельскі» філіял «Скідзельская птушкафабрыка»;
- ААТ «Александрыйскае»;
- ААТ «Маладзечанскі малочны камбінат» Валожынскі філіял;
- ААТ «Маладзечанскі малочны камбінат» Вілейскі філіял;
- ААТ «Ашмянскі мясакамбінат».