Fox News: Расейскі Су-27 праляцеў за 1,5 м ад самалёта ЗША над Балтыкай
19- 20.06.2017, 21:28
- 9,728
Палёт расейскага знішчальніка быў «правакацыйным», ён ляцеў «хаатычна».
Расейскі знішчальнік Су-27 праляцеў у 1,5 метрах ад самалёта выведкі ЗША RC-135 над Балтыйскім морам 19 чэрвеня. Пра гэта паведаміў Fox News (пераклад - tvrain.ru) са спасылкай на дзве крыніцы ў афіцыйных структурах.
Палёт расейскага знішчальніка быў «правакацыйным», ён ляцеў «хаатычна», адзначыла іншая крыніца.
Са слоў аднаго з суразмоўцаў тэлеканала, з пачатку чэрвеня над Балтыйскім морам было зафіксавана больш за 30 такіх «узаемадзеянняў» расейскіх і амерыканскіх самалётаў, аднак гэты выпадак адметны тым, што ў ВПС ЗША яго палічылі «небяспечным».
У ВПС ЗША не далі аператыўны каментар выданню. Інцыдэнт адбыўся пасля заявы Мінабароны Расеі аб спыненні ўзаемадзеяння з ЗША адносна мемарандума аб прадухіленні інцыдэнтаў у небе над Сірыяй.
Такую пастанову расейскі бок прыняў пасля сітуацыі са збітым міжнароднай кааліцыяй вайсковым самалётам Сірыі.