МПЗ: Паборы з габрэяў, якія перажылі Халакост - законныя
39- 21.06.2017, 12:20
- 15,780
Міністэрства падаткаў і збораў не бачыць праблем у тым, каб «зарабіць» на беларускіх габрэях.
Міністэрства падаткаў і збораў патлумачыла, чаму састарэлыя беларускія габрэі павінны плаціць падаходны падатак за дабрачынную дапамогу, якую ім аказваюць міжнародныя арганізацыі на бязвыплатнай аснове.
Як піша сайт МПЗ, патрабаванне выплаты падатку з такой дапамогі абсалютна законнае, але мясцовыя адміністрацыі могуць вызваляць грамадзян ад яго выплаты. Праўда, для гэтага неабходна звярнуцца ў адміністрацыю з адпаведнай заявай.
Тысячы беларускіх габрэяў - рэцыпіенты гуманітарнай дапамогі ад амерыканскага JDC («Джойнта»), нядаўна атрымалі паведамленні аб неабходнасці заплаціць падаходны падатак з кошту тых дабрачынных паслуг, якія ім былі аказаныя паводле лініі «Хэсэль» - рэгіянальных аддзяленняў «Джойнта» ў аказанні дапамогі маючым патрэбу габрэям.
Паколькі падатак ім давядзецца заплаціць са сваёй і без таго беднай пенсіі, многія сталі адмаўляцца ад такіх неабходных у іх узросце паслуг як ўборка жылля, дастаўка прадуктаў і г. д.