З вакна інтэрната БАТУ ў Менску выкінулі мужчыну

Двое слухачоў курсаў павышэння кваліфікацыі выпілі і пасварыліся.

Супрацоўнікі крымінальнага вышуку шукаюць відавочцаў падзей, якія адбыліся яшчэ 3 красавіка. Пасля сваркі адзін мужчына выкінуў іншага з вакна інтэрната аграрна-тэхнічнага ўніверсітэта ў Менску. Падрабязнасці паведамілі tut.by у Першамайскім РУУС.

Сварка паміж двума мужчынамі (узростам 23 і 29 гадоў) адбылася ў інтэрнаце Аграрна-тэхнічнага ўніверсітэта на вуліцы Натуралістаў, 12. Абодва знаходзіліся ў Менску на курсах павышэння кваліфікацыі і жылі ў адным пакоі.

У той вечар панядзелка мужчыны выпілі спіртное і пасварыліся. А прыкладна а 22.30 старшы з іх збіў малодшага, пасля чаго выкінуў з акна другога паверха.

- 23-гадовы малады чалавек з множнымі траўмамі дастаўлены ў бальніцу хуткай медыцынскай дапамогі. Распачатая крымінальная справа, - распавялі ў Першамайскім РУУС.

Міліцыя шукае відавочцу, які ў гэты час выгульваў побач з інтэрнатам сабаку. Як мяркуецца, ён жыве ў суседніх дамах.

Прыкметы: мужчына на выгляд 50-55 гадоў, рост блізу 175 см, хударлявага целаскладу, валасы кароткія сівыя. Быў з сабакам дробнай пароды светлай афарбоўкі.