«Мадэрнізаваны» дэкрэт №3 накіравалі на разгляд Лукашэнку
36- 26.06.2017, 20:21
- 23,595
Да «абнаўленняў» у закон прыклала руку Шчоткіна.
«Прапановы аб новых падыходах рэалізацыі дэкрэту №3 накіраваныя ў Адміністрацыю прэзідэнта», - паведамілі tut.by ў Саўміне. Пра тэрміны разгляду прапаноў не паведамляецца.
Нагадаем, для распрацоўкі новай канцэпцыі дэкрэту №3 была створана спецыяльная міжведамасная рабочая група, у якую ўключылі кіраўнікоў многіх ведамстваў, а таксама навукоўцаў. Кіруе групай намеснік прэм'ер-міністра Васіль Жарко.
19 кастрычніка - прэм'ер-міністр Беларусі Андрэй Кабякоў падпісаў распараджэнне аб стварэнні міжведамаснай рабочай групы для распрацоўкі новай канцэпцыі дэкрэту №3 пад старшынствам Васіля Жарко. У яе трапілі амаль тры дзесяткі чалавек, у тым ліку многія міністры - працы і сацыяльнай абароны Ірына Касцевіч, фінансаў Уладзімір Амарын, эканомікі Уладзімір Зіноўскі, адукацыі Ігар Карпенка, аховы здароўя Валер Малашка, падаткаў і збораў Сяргей Налівайка, сувязі і інфарматызацыі Сяргей Папкоў, транспарту і камунікацый Анатоль Сівак, жыллёва-камунальнай гаспадаркі Аляксандр Церахаў.
У групу таксама ўключылі намесніцу старшыні Мар'яну Шчоткіну, дэпутатаў - Тамару Красоўскую і Баляслава Пірштука, намесніка і іншых.
Праект зменаў у дэкрэт планавалася падаць на разгляд Лукашэнку ў пачатку ліпеня.