Берасцейка спазнілася на аўтобус у Польшчы і прапала
3- 27.06.2017, 9:06
- 11,631
Аб месцазнаходжанні жанчыны нічога не вядома.
41-гадовая Анжаліка Замковец (Навіцкая) знаходзілася ў Польшчы ў горадзе Пасленк (Pasłęk). Адтуль 21 чэрвеня яна накіравалася на аўтобусе ў Варшаву на аўтавакзал «Варшава Заходня», дзе павінна была перасесці на аўтобус да Берасця. Апошні раз на сувязь з роднымі жанчына выходзіла ў той самы дзень а 13:30 і сказала, што спазнілася на транспарт, паведамілі ў берасцейскім пошукава-выратавальным атрадзе «Анёл».
У міліцыю звярнуліся сваякі берасцейкі. З іх слоў, та з'ехала ў Польшчу 15 чэрвеня з мэтай працаўладкавання, дапоўнілі ва УУС Берасцейскага аблвыканкаму.
Грамадзян, якія маюць інфармацыю пра месцазнаходжанне жанчыны, просяць патэлефанаваць па тэлефоне: +375 (33) 6666-033, +375 (33) 698-94-27, +375 (33) 672-49-72 або 102, у Польшчы - 112.