Еўра рэкордна вырас на таргах у Менску
6- 28.06.2017, 13:27
- 12,688
На валютных таргах 28 чэрвеня значна падскочыў курс еўра, а таксама падаражэла амерыканская валюта.
Пра гэта паведамляе сайт Беларускай валютна-фондавай біржы.
Пасля таргоў курс еўра вырас на 0,0448 рубля (2,08%) да 2,1987 рубля.
Курс даляра вырас на 0,0094 рубля (0,49%) і склаў 1,9343 рубля.
Курс расейскага рубля (за 100 адзінак) знізіўся на 0,0186 рубля (0,57%) і склаў 3,2485 беларускага рубля за 100 расейскіх.
Рост еўра адбыўся на фоне ўчорашніх заяваў кіраўніка Еўрапейскага цэнтральнага банка Марыё Драгі. Ён упэўнена паведаміў аб тым, што еўразона аднаўляецца і мацнее.