Футбаліст з Фарэраў: У маёй краіне на беларускі заробак не пражывеш

Поль Юсцінусан распавёў, чаму на Фарэрскіх выспах лепш быць электрыкам, чым футбалістам.

Абаронца «Рунавіка» Поль Юсцінусан здзівіўся беларускім заробкам, піша «Трибуна»:

- Хто ты па прафесіі?

- Электрык. Гэта далёка не аптымальная праца для сумяшчэння з футболам. Яна звязаная з фізічнай працай, таму да вячэрняй трэніроўкі часам вельмі моцна стамляешся. Складана, але што зрабіць. Асноўная праца займае практычна ўвесь дзень - з васьмі раніцы да чатырох дня, а з шасці да васьмі трэніроўка ў «Рунавіку». А потым і дзень ужо заканчваецца. Вядома, у такім графіку жыць няпроста.

- Чым займаюцца астатнія хлопцы ў камандзе?

- Ёсць яшчэ некалькі электрыкаў, а таксама банкіры, будаўнікі. Шмат хлопцаў працуе на рыбнай перапрацоўчай фабрыцы - у Рунавіку яна адна з самых буйных у краіне. У нас наогул амаль усё жыццё звязанае з морам.

- Ты наогул не атрымліваеш грошай за тое, што гуляеш у футбол?

- Атрымліваю, але зусім няшмат. Усе гульцы на Фарэрах жывуць за кошт асноўнай працы, а футбол - гэта прыемнае дапаўненне. Максімум з яго дапамогай можна зарабіць усяго паўтары тысячы даляраў. Гэтага недастаткова, каб пражыць. Працуючы электрыкам, атрымліваю значна больш. Дзякуючы гэтаму і жыву.

Беларускі заробак вельмі маленькі. На Фарэрах ты б не змог існаваць на гэтыя грошы. На ўзровень жыцця, вядома, нам жаліцца не даводзіцца.