Вільню затапіла пасля моцнай залевы

Вада зрывае люкі каналізацыйных калодзежаў, тонуць аўтамабілі.

Залева затапіла вуліцы і дарогі літоўскай сталіцы, піша Delfi.lt. Акрамя таго, вада зрывае люкі каналізацыйных калодзежаў. Кіраваць аўтамабілем на вуліцах горада становіцца небяспечна. Складзеная нават мапа затопленых тэрыторый у Вільні.

«Як было абвешчана раніцай па радыё, асабліва няпростая сітуацыі ў Вільні была ля кальца Гірайцес, дзе вада сарвала люкі каналізацыйных калодзежаў, а таксама на вуліцах Гележыніа Вілка, Нарбут.

Апошняй было настойліва рэкамендавана не ехаць, тым больш, што рух там тармазіў патанулы ў плыні вады аўтамабіль BMW», - сказала ў інтэрв'ю жыхарка Вільні. Паводле яе слоў, праз моцныя дажджы пачалі тануць сталічныя раёны Юсцінішкес, Віршулішкес. Там нібыта ўтвараюцца заторы праз забытыя на затопленых вуліцах аўтамабілі. «Велізарны корак утварыўся на праспекце Пілайтэс», - падзялілася інфармацыяй жанчына.

«Раніцай я спрабавала выклікаць таксоўку, але ніводзін з аператараў не адказаў. Тады я зразумела, што ўжо нешта сур'ёзнае адбываецца. Сябры пасылалі фатаграфіі падтопленых аўто, затопленых дарог. Неймаверны выгляд. Гэта жудасна, як трохі трэба, каб увесь горад апынуўся ў пастцы», - сказала другая жыхарка Вільні. У выніку яна наважыла на працу адправіцца пазней, а паўдня будзе працаваць дома.

«Майму сябру ў грамадскім транспарце гучна абвясцілі, што будзе зменены маршрут», - распавяла жыхарка сталіцы. Паступіла 200 паведамленняў. Тым часам, прадстаўніца кампаніі Grindа Давіле Лісаўскайтэ сказала, што гэтай раніцай паступіла 50 паведамленняў аб крытычных месцах у горадзе, з іх 20 - гэта паведамленні пра сур'ёзныя праблемы.

«З 50 крытычных месцаў 15 ужо ліквідаваныя. Крытычнымі мы называем месцы, дзе затопленыя вуліцы, напрыклад, немагчыма праехаць, утвараюцца коркі», - патлумачыла яна.

Са слоў Д. Лісаўскайтэ, у сувязі з ліўнямі першыя паведамленні аб праблемах паступілі прыкладна а 5 гадзіне раніцы. «З раніцы да 10 гадзін паступіла агулам блізу 200 званкоў, наступствы аварыі ліквідуюць 10 экіпажаў нашай кампаніі», - інфармавала яна.