Фотафакт: Жыхароў Магілёва прызвалі на акцыю 3 ліпеня
2- 29.06.2017, 18:29
- 30,718
Акцыя Беларускага Нацыянальнага Кангрэсу пройдзе ў цэнтры сталіцы ў Дзень вызвалення Менска а 14:00.
Улёткі з заклікам выйсці 3 ліпеня а 14.00 на Кастрычніцкую плошчу Менска з'явіліся ў Магілёве. Пра гэта ў «Фэйсбуку» напісаў адзін з лідараў Беларускага Нацыянальнага Кангрэсу Мікалай Статкевіч.
«Народныя выступы, што пачаліся 17 лютага ў Менску і ахапілі ўсю Беларусь, прымусілі ўлады адкласці дэкрэт аб падатках на беспрацоўных. Акцыі салідарнасці 1 траўня і 22 чэрвеня прымусілі рэжым да вызвалення 80% незаконна арыштаваных патрыётаў.
Гарантаваць поўнае скасаванне абсурднага дэкрэта, вызваліць астатніх палітзняволеных, не дапусціць развязання эканамічных праблем за кошт простых людзей можна толькі адным спосабам - публічнай дэманстрацыяй народнай сілы і гневу. Нельга спыняць ціску на ілжывую і амаральную ўладу. Інакш яна сама возьмецца нам за горла.
3 ліпеня а 14.00 на Кастрычніцкай плошчы Менска.
Улада - народу!
Жыве Беларусь!», - напісаў Мікалай Статкевіч.