Навукоўцы знайшлі спосаб вярнуць страчаны зрок
5- 18.07.2017, 12:48
- 17,951
Вынаходства дапаможа аднавіць любыя адсутныя пачуцці.
Аднаўленне страчанага зроку сёння не з'яўляецца нечым новым. Хірургамі практыкуецца трансплантацыя вачэй, але пацыентам даводзіцца доўга чакаць, пакуль з'явяцца прыдатныя органы, ды і не кожны можа дазволіць сабе такую аперацыю. Развязаннем праблемы можа стаць новае вынаходніцтва даследнікаў з Універсітэта Райса. Прыбор пад назвай FlatScope не толькі здольны вярнуць страчаны зрок, але і ў перспектыве аднавіць іншыя парушэнні органаў пачуццяў дзякуючы мазгавому імплантату, піша 4pda.ru.
FlatScope уяўляе з сябе плоскі мікраскоп, які змяшчаецца ў мозг, дзе кантралюе і запускае нейроны, мадыфікаваныя да флуарэсцэнтаў, калі яны актыўныя. Дэвайс быў распрацаваны ў рамках праграмы Кіраванне перспектыўных даследчых праектаў Міністэрства абароны ЗША, вядомага як DARPA, з мэтай стварэння нейронавага інтэрфэйсу з дапамогай розных датчыкаў, якія перасылаюць аўдыявізуальныя звесткі наўпрост у мозг, дазваляючы аднавіць любыя адсутныя пачуцці.
«Павялічваючы магчымасці сучасных нейронавых інтэрфэйсаў для адначасовага ўзаемадзеяння больш як аднаго мільёна нейронаў, NESD імкнецца забяспечыць двухбаковую сувязь з мозгам у маштабе, які дапаможа паглыбіць наша разуменне складанасці і функцыянальнасці гэтага органа», – заявіў Філіп Авельда, кіраўнік праграмы NESD.