Беларус з Запаляр'я: З'ехаў туды па цвіценне тундры
1- 18.07.2017, 20:14
- 11,621
Павал Батуеў ад'язджаў за палярнае кола ўдваіх з жонкай, вярнуўся - з двума дзецьмі.
Беларускі рамантык, інжынер-электрык з Салігорску Павел Батуеў, які марыў убачыць цвіценне тундры пяць гадоў таму з'ехаў за Палярнае кола. Там яму давялося працаваць зусім не адпаведна спецыяльнасці, але ў задавальненне. Ад'язджаў удваіх з жонкай, вярнуўся - з двума дзецьмі. Пра свае «марозныя» прыгоды Павел распавёў tut.by.
Праз дзяцей, якім шалёна падабаюцца беларускія дзіцячыя пляцоўкі і магчымасць катацца на роварах і самакатах, Павал з сям'ёй і вярнуўся ў Беларусь. Там у вёсцы на беразе Карскага мора арганізаваць дзіцячы побыт і разнастайнае харчаванне было нялёгка. Там нават ацяпляльны сезон перапыняўся ўсяго на месяц за год, і ў гэты месяц паветра рабілася па-летняму цёплым. Але раптам пачаўшыся, лета гэтак жа хутка заканчвалася.