Для Масквы прагучалі трывожныя званочкі

Для Расеі відавочна наступаюць цяжкія і неспакойныя часы, якія непазбежна пяройдуць у часы смутныя.

Для таго каб не хваляваць публіку непазбежнай заявай, што Стабфонд ужо праедзены і раскрадзены, яго злучылі з іншымі фондамі, якія гэтак сама імкліва бяднеюць, і гэта падобна на агонію, спробу прадоўжыць цяперашні стан хоць яшчэ на нейкі час. Не выключана, што Пуцін, зачыніўшыся ў адным з сваіх шматлікіх бункераў, слухае Высоцкага "...чуть помедленнее, коні...". Хоць, можа быць, і не слухае, бо ўзнікаюць асацыяцыі з любімым сабакам Коні, заўчасна здохлым ад стрэсу, піша блогер для Anti-colorados для obozrevatel.com.

Тым не менш ужо прыкметныя перабоі ў пастаўках моцнадзейных сродкаў для найвышэйшай расейскай тусоўкі, і час ад часу ў эфір праходзяць рэчы, якія можна растлумачыць менавіта гэтым чыннікам. Альбо дур апынулася няякаснай і пацыент пачынае плесці забароненыя рэчы, альбо наадварот, гады ў рады прывезлі нешта сапраўды чыстае і пацыент у эйфарыі пачынае выказваць тое, што атрымлівалася хаваць пры іншых абставінах.

Так, у сеціве з'явілася апошняе відэа Жырыноўскага, дзе ён, як звычайна пырскаючы слінай, вяшчае, што пуцінскія актывісты хлусяць пра дасягненні. Ён з напорам распавядае пра самую высокую ў свеце смяротнасць ад самагубстваў, пра рост алкагалізму і іншае, але самае цікавае тое, што Жырыноўскі артыкуляваў з Расеі тое, што ўсе бачаць збоку. Расею выкідаюць з іншых краінаў і міжнародных арганізацыяў, і наадварот, міжнародныя арганізацыі і буйныя кампаніі сыходзяць з Расеі. Пагодзімся, гэтая істэрычная рыторыка ніяк не вяжацца з напаўсоннымі песнямі Пуціна і Мядзведзева пра дабро санкцыяў і пра цуды імпартазамяшчэння.

Увогуле, нават у тых галінах прамысловасці, якія Пуцін цяпер ставіць на покуць, з імпартазамяшчэннем неяк не ладзіцца. Дастаткова ўспомніць пра правал праграмаў будаўніцтва фрэгатаў, для сваіх ВМФ, з прычыны немагчымасці стварыць аналагічныя ўкраінскім энэргетычныя ўстаноўкі. А знакаміты самалёт ФАК-ПА будзе ўзнагароджаны ўласнымі рухавікамі ў раёне 2025 года. І гэта толькі афіцыйная версія. Мясцовыя спецыялісты ставяць саму магчымасць стварэння гэтых рухавікоў пад пытанне, і калі ўжо такі цуд здарыцца, дык не раней за 2030 год. Гэта якраз супадзе ў часе з поўным пераходам авіяцыі ЗША на самалёты пятага пакалення, уключаючы бамбавікі і дроны, а вось так, выпрабоўваць уласныя рухавікі ўжо будуць самалёты шостага пакалення, якія выходзяць на фінальныя стадыі праектавання.

Усё гэта таму, што любая складаная высокатэхналагічная вытворчасць непазбежна абапіраецца на міжнародную кааперацыю. Напэўна, Штаты могуць пацягнуць буйныя праграмы і самастойна, не выкарыстоўваючы пікавыя высокатэхналагічныя навінкі і прарыўныя ідэі партнёраў, працэс паскараецца і становіцца менш затратным. Акрамя ўсяго іншага, Расея цяпер выключаная з гэтай вельмі эфектыўнай міжнароднай кааперацыі ў галіне вытворчасці ўзбраенняў. Можна з упэўненасцю сцвярджаць, што сінонімам слова "імпартазамяшчэнне", у галіне абароннай прамысловасці РФ, можа служыць слова "суіцыд". Так што кожны раз, калі Пуцін, Мядзведзеў ці Рагозін кажуць пра імпартазамяшчэнне ў галіне абаронна-прамысловага комплексу, заўсёды варта падстаўляць гэты сінонім, для разумення сапраўднага становішча справаў. Уся астатняя гаворка будзе нязменнай, а адно гэтае слова – расставіць усё на месцы.

Дарэчы, Жырыноўскі, калі яго прарывае, часта выдае рэчы, на якіх ляжыць вельмі тоўсты пласт крамлёўскага "табу". Напэўна, расейцы не ў курсе, што Дзіму Рагозіна і ягоных суправаджальнікаў абароннікаў днямі проста не пусцілі ў Малдову. Проста пасланы куды падалей і ўсё. Дык гэта – Малдова, чый Дадон дэманстраваў абдыманкі і пацалункі з Пуціным.

Але ёсць і больш трывожныя для Масквы званочкі. Згаданы намі раней Сіменс скончыў сваё расследаванне і зрабіў заяву для прэсы, у якой паказаў, што Расея падманным шляхам завезла ўсе 4 іхнія турбіны, прызначаныя для ЦЭЦ на Тамані, у Крым. Гэта значыць, Сіменс сам правёў расследаванне, сам даведаўся (а то не ведаў да гэтага) і сам даў ацэначнае меркаванне дзеянням Масквы. Відаць, што нямецкі канцэрн спрабуе адмыцца ад расейскага бруду, бо цяпер ужо далёка не 2014 год, і наступствы такіх фокусаў могуць каштаваць не толькі грошай, але і турэмных тэрмінаў, якія рана ці позна, пачнуць раздаваць у Нямеччыне за дзіўныя сувязі з расейцамі.

У гэтым жа шэрагу свежая заява авіякампаніяў British Airways і Iberia пра закрыццё сваіх офісаў у Маскве і Санкт-Пецярбургу. Гэта значыць, што Расея ўпэўнена рухаецца да фактычнага становішча чумнага бараку і цяпер рушыць канвеер выхаду кампаніяў, што шануюць сваю рэпутацыю. На прыкладзе Сіменс усе змаглі пераканацца ў таксічнасці Расеі, і яна не каштуе так дорага, каб рызыкаваць сваёй рэпутацыяй.

Здавалася б, на гэта можна было не звяртаць увагі, але тут важна ўзяць пад увагу два моманты. Дзеянні той самай British Airways – паказнік для многіх. Калі яна пачынае выхад з нейкага рынку, значыць мае падставы. А ў дачыненні да Расеі даволі ўстойліва і эфектыўна працавалі і працуюць толькі спецслужбы ЗША і Вялікай Брытаніі. Тыя самыя немцы і французы зазналі тут паразу. Таму дзеянні ангельцаў для многіх стануць паказнікам. Ну а тое, чым скончыцца эпапея з Сіменс, пакажа сапраўднае становішча справаў і для астатніх, не занадта пераборлівых у сувязях, кампаніяў. Пішуць, што ён ужо выходзіць з супольнага з расейцамі прадпрыемства.

А другі момант і зусім на паверхні. Проста ўявім, што да яго дня ў Маскве і Піцеры не было прадстаўніцтваў British Airways і Iberia, а вось сёння яны іх адчынілі. Можна толькі ўявіць, як пра гэта трубіла б расейская прэса. Значыць, сама падзея – знакавая. Іншая рэч, што паказаць яе са знакам плюс – ці дазволяць, а са знакам мінус – не. Адзіны плёскат на паверхні гэтай фекальнай сажалкі – прамова Жырыноўскага.

Але нават калі б Вольфавіч маўчаў, працэс ідзе і набірае абароты.