Нікалас Кейдж у казахскім строі стаў папулярным інтэрнэт-мемам

Амерыканскі акцёр зноў на вяршыні славы.

Нікалас Кейдж днямі наведаў кінафорум «Еўразія», які праходзіць у Астане. У інтэрнэце хутка разышлося фота, дзе ён у казахскім чапане і футравай шапцы стаіць з народнай артысткай Казахстана Айман Мусахаджаевай. Уразіўшыся выразам твару актора і незвычайнай вопраткай, у сацсетках карыстальнікі хутка сталі рабіць з гэтым фота мемы, пераплятаючы іх з іншымі папулярнымі інтэрнэт-сюжэтамі, піша kp.by.

Нікалас Кейдж не ўпершыню становіцца мемам. У свой час сацсеткі падарваў мем «Ды ладна?», кадр для якога быў узяты з фільма «Пацалунак вампіра».