Самлелы падчас сустрэчы Парашэнкі і Лукашэнка міністр падаў у адстаўку
7- 25.07.2017, 16:13
- 13,795
Ужо сёння Парашэнка прызначыць новага кіраўніка Дзяржаўнай памежнай службы Украіны.
Кіраўнік Дзяржаўнай памежнай службы Украіны Віктар Назаранка напісаў заяву аб адстаўцы з займанай пасады, паведамляе «Інтэрфакс-Украіна», спасылаючыся на крыніцу.
«Ён напісаў заяву на звальненне паводле стану здароўя», - паведаміў суразмоўца.
Са слоў суразмоўцы, у аўторак, 25 ліпеня, чакаецца прызначэнне і прадстаўленне прэзідэнтам Украіны Пятром Парашэнкам новага кіраўніка памежнай установы.
Як паведамлялася, Назаранка стала млосна 21 ліпеня ў Адміністрацыі прэзідэнта Украіны падчас выступу Лукашэнкі.
Пазней прэс-служба ДПСУ паведаміла, што ягоны стан сярэдні.