У Ватыкане ўпершыню ў гісторыі адключылі фантаны
1- 25.07.2017, 17:51
- 12,029
Фантаны пастанавілі адключыць праз нястачу вады ў Італіі.
У Італіі адчуваецца нястача пітной вады, бо апошнія тыдня надвор'е ў рэгіёне было вельмі гарачым і засушлівым.
Ад засухі пакутуе Рым, а таксама прадмесце сталіцы. Адміністрацыя дзяржавы Ватыкан пастанавіла спыніць працу ўсіх фантанаў на плошчы Святога Пятра, а таксама фантаны Ватыканскага саду, паведамляе «Белсат».
«Святы Пасад робіць захады, каб скараціць спажыванне вады, - паведамляецца на афіцыйным сайце Ватыкана. Гэтая пастанова адпавядае дагматам папы Рымскага Францішка, выкладзеным у энцыкліцы «Laudate Si».
«Laudate Si» - другая энцыкліка Папы Рымскага Францішка, выдадзеная ў 2015 годзе, аб захаванні планеты і ролі чалавека ў навакольным асяроддзі.