Фотафакт: Уся гісторыя Беларусі ў адным плакаце

Унікальны праект змясціў у сябе ўсю гісторыю нашай краіны.

Плакат - гэта афлайн-працяг праекту «Карта станаўлення Беларусі», распавядае стваральнік Аляксей Чаранкевіч. На стужцы часу паказаныя беларускія гарады, кіраўнікі і самыя істотныя падзеі дзяржаў, якія існавалі на тэрыторыі сучаснай Беларусі, піша nn.by.

«Нам хацелася зрабіць добра намаляваны плакат, які прыемна мець дома і які не сорамна дарыць сябрам. Плакат можа стаць упрыгожваннем для кватэры, канторы, дзіцячага пакоя або школьнага класа. Нават у шынку або кавярні ён будзе дарэчы. Надрукаваны плакат афсетным метадам на якаснай паперы фармату А1 - 594x841 мм. Прадаецца ў тубусе: яго можна бесперашкодна перасылаць поштай», - кажа аб сваім плакаце аўтар.