Сіноптыкі: Заўтра будзе да +30 градусаў

Кароткачасовыя дажджы і навальніцы чакаюцца 28 ліпеня.

У Беларусі заўтра будзе пераменная воблачнасць. Ноччу па Гомельскай і Магілёўскай абласцях, удзень на большай частцы тэрыторыі краіны пройдуць кароткачасовыя дажджы, у асобных раёнах – навальніцы.

Месцамі па паўднёвым усходзе краіны чакаюцца моцныя дажджы. Ноччу і раніцай у асобных раёнах будзе слабы туман. Вецер чакаецца няўстойлівы 3-8 м/с, пры навальніцах парывы дасягнуць 14 м/с.

Тэмпература паветра ўначы складзе 13–19 градусаў цяпла, удзень будзе плюс 21–27, па паўднёвым усходзе – 28–30 градусаў цяпла, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.