«Крумкачы» затрымліваюць заробак гульцам
1- 29.07.2017, 12:55
- 13,056
29-гадовы паўабаронца Ягор Сямёнаў пайшоў з ФК «Крумкачы».
У гульца адбылася размова з дырэктарам клуба Дзянісам Шунто, і бакі скасавалі кантракт на пагадненне бакоў. Паводле звестак pressball.by, прычына такой пастановы - затрымка заробку.
У гэтым сезоне Сямёнаў правёў 7 матчаў у чэмпіянаце Беларусі, выніковымі дзеяннямі не вызначыўся.
Раней стала вядома, што група гульцоў каманды (Дзмітрый Клімовіч, Дзмітрый Яшын, Ягор Сямёнаў, Філіп Іваноў, Яўген Шыкаўка) адмовілася ехаць у Віцебск на матч чэмпіянату з мясцовай камандай, які адбудзецца 29 ліпеня.
Клімовіч, Шыкаўка і Сямёнаў не сталі каментаваць сітуацыю. Іваноў не адказаў на званок, а Яшын знаходзіцца па-за зонай доступу сеткі.