Названыя найлепшыя краіны свету для пажылых людзей
11- 29.07.2017, 16:32
- 11,235
Амерыканскія навукоўцы склалі рэйтынг краінаў, у якіх старасць праходзіць годна.
Даследнікі з Калумбійскага ўніверсітэта назвалі найлепшыя на свеце дзяржавы для людзей ва ўзросце, дзе старасць праходзіць годна і без адчуванняў цяжару.
Яны распрацавалі новы "барометр", які ацэньвае, як краіны ва ўсім свеце адаптуюцца да рэзкага павелічэння колькасці старых у грамадстве, піша The Independent (пераклад — nv.ua).
Індэкс складаецца з розных сацыяльна-эканамічных паказнікаў, якія адлюстроўваюць статус і дабрабыт пажылых людзей у краіне. Да іх адносяцца прадукцыйнасць і ўзаемадзеянне, дабрабыт, справядлівасць, згуртаванасць і бяспека.
У складзеным такім чынам рэйтынгу Нарвегія заняла першае месца, за ёй ідуць Швэцыя, ЗША, Нідэрланды і Японія.
Найлепшыя краіны для старэння:
"Цяпер, калі раней неверагодная колькасць пажылых людзей жыве даўжэй, вельмі важна, каб мы перайшлі ад нашай увагі да характарыстык асобных людзей і іх найбліжэйшага атачэння да такога, якое ўключала б стратэгію для ўсяго грамадства, каб паспяхова адаптавацца да пажылога насельніцтва", – сказаў прафесар Джон Роу, доктар медыцынскіх навук, які ўзначальваў міждысцыплінарную групу даследнікаў.
Адзначаецца, што Нарвегія таксама ўзначаліла рэйтынг самых шчаслівых краінаў свету, а таксама стала трэцяй у спісе найлепшых краінаў для жыцця жанчынаў.
"Індэкс дэманструе, што Злучаныя Штаты – нягледзячы на агульныя праблемы з няроўнасцю і сацыяльнай згуртаванасцю – добра спраўляюцца з тым, каб пажылыя амерыканцы былі фінансава забяспечаныя, прадуктыўныя і занятыя", – адзначыла Дана Голдман, доктар філасофіі, заслужаны прафесар і дырэктар кафедры ў Цэнтры палітыкі і эканомікі ў галіне аховы здароўя ЗША.
"Індэкс дае дакладны погляд на тое, наколькі добра грамадства адаптуецца да праблемы старэння, – прадоўжыла яна.– Выкарыстоўваючы надзейныя і дакладныя эканамічныя і сацыяльныя паказнікі, гэты інструмент дазваляе краінам больш шырока разглядаць як існыя варункі, так і імаверныя будучыя дэмаграфічныя рэаліі".