У Швэйцарыі адкрылі самы доўгі ў свеце вісячы пешаходны мост
6- 29.07.2017, 21:43
- 7,067
На будаўніцтва моста было выдаткавана 750 тысячаў даляраў.
Вісячы мост для пешаходаў даўжынёй амаль 500 метраў адкрыўся ў швэйцарскім кантоне Вале, пабіўшы сусветны рэкорд, піша ria.ru.
Мост імя Чарльза Куонена (названы ў гонар аднаго з фундатараў будаўніцтва) знаходзіцца на вышыні блізу 80 метраў над зямлёй і злучае населеныя пункты Грэхем і Цэрмат. Даўжыня моста складае 494 метры, шырыня – 65 сантыметраў.
Паведамляецца, што на будаўніцтва моста было выдаткавана блізу 730 тысячаў швэйцарскіх франкаў (блізу 750 тысячаў даляраў). Першыя пешаходы змаглі скарыстацца канструкцыяй у суботу.
Zermatt: 'Longest' hanging pedestrian bridge opens in Switzerland. This footbridge is a great piece of engineering. https://t.co/BJpnyQef5s
— phil (@ppjkis) 29 июля 2017 г.
