«У Бараўлянах растае лес»

Жыхары Бараўлянаў, якія пратэстуюць супраць высечкі лесу, знялі кліп-пародыю на папулярную песню.

Жыхары вёскі Бараўляны, незадаволеныя адкарэктаваным генпланам, прадаўжаюць змагацца за пяць гектараў лесу, які хочуць высекчы дзеля будаўніцтва школы і дзіцячага садка, піша tut.by.

Спачатку жыхары вёскі стварылі петыцыю, дзе прасілі адкарэктаваць Генплан з улікам інтарэсаў мясцовых жыхароў, потым сустракаліся з праекціроўшчыкамі. І вось новая ідэя - кавер на «Тает лёд» моднага ўкраінскага гурта «Грыбы». Стваральнікі назвалі яго «У Бараўлянах растае лес».

Раней кавер на «Тает лёд» здымалі супрацоўнікі МНС, рабочыя МТЗ, сцюардэсы авіякампаніі Belavia і студэнты вайсковага факультэта БДУ.