Польшча адзначыла 73-я ўгодкі Варшаўскага паўстання

А 17.00 мясцовага часу ў Варшаве пачуўся гул сірэн і быў прыпынены вулічны рух.

А 17-й гадзіне - у той момант, калі 1 жніўня 1944 гады супраць немцаў са зброяй у руках выступілі байцы падземнай Арміі Краёвай - у польскай сталіцы пачуўся гул сірэн і быў прыпынены вулічнае рух, перадае «Радыё Польшча».

Дзясяткі тысяч варшавякаў выйшлі на мітынг у цэнтры сталіцы, каб хвілінай маўчання ўшанаваць памяць герояў Варшаўскага паўстання. А 17-й гадзіне хвілінай маўчання памяць удзельнікаў Варшаўскага паўстання ўшанавалі таксама прадстаўнікі польскай дыяспары ў Лондане, Бэрліне, Брусэлі, Чыкага ды іншых гарадах. У месцах, дзе ў 1944 году працягваліся баі паўстанцаў з нямецкім войскам, дзе немцы расстрэльвалі цывільных жыхароў польскай сталіцы, з'явіліся кветкі і запаліліся агніцы.

Ля помніка героям Паўстання Gloria Victis на Павонзкаўскіх могілках прайшла ўрачыстая цырымонія з удзелам прэзідэнта Анджэя Дуды і ветэранаў. Прэзідэнт Польшчы таксама ўсклаў кветкі да помніка жыхарам Варшавы, загінулым і расстраляным немцамі ў перыяд Варшаўскага паўстання.

На плошчы Пілсудскага ля Магілы невядомага жаўнера апоўдні адбылася ўрачыстая змена ганаровай варты Войска Польскага, да магілы былі ўскладзеныя вянкі. Ва ўрачыстасцях ля помніка Польскай падземнай дзяржаве і Арміі Краёвай на плошчы ля будынка польскага Сэйма ўдзельнічалі ветэраны, жыхары сталіцы, парламентарыі. «Варшаўскае паўстанне з аднаго боку было накіраванае супраць немцаў, бо нямецкі нацызм парушаў усе вартасці і быў выяўленнем новага варварства. З іншага боку, Варшаўскае паўстанне мелася прыпыніць наступ камунізму, які абапіраўся на нянавісць да свабоды, царквы і рэлігіі», - заявіў, выступаючы ад імя кіраўніцтва польскага парламента, віцэ-маршалак Сэйма Рышард Цярлецкі.

Варшаўскае паўстання 1944 года працягвалася 63 дні і не было задушанае, а скончылася падпісаннем з немцамі акта аб капітуляцыі.

У часе паўстання загінула блізу 20 тысяч паўстанцаў, 17 тысяч патрапілі ў палон. Таксама загінулі блізка 10 тысяч нямецкіх жаўнераў, блізка што 6 тысяч зніклі без вестак. Загінула пад 200 тысяч цывільнага насельніцтва Варшавы, вялікая частка польскай сталіцы была разбураная. Нямецкія спецпадраздзяленні знішчалі ацалелыя будынкі, больш за паўмільёна жыхароў Варшавы былі выгнаныя з места.