Акцыя папярэджання пройдзе ў Менску 8 верасня а 19:00

Час правядзення акцыі на Кастрычніцкай плошчы Менска змяніўся на гадзіну.

Адзін з лідараў Беларускага Нацыянальнага Кангрэсу Мікалай Статкевіч паведаміў, што час пачатку Акцыі папярэджання зменены на просьбу жыхароў Менска.

«Увага! Рада Беларускага Нацыянальнага Кангрэсу на просьбу менчукоў змяніла час пачатак Акцыі папярэджання. Пратэст супраць унутранай акупацыі краіны і супраць пагрозы вонкавай агрэсіі пачнецца на гадзіну пазней - 8 верасня а 19.00 на Кастрычніцкай плошчы Менска.

Вызвалім Беларусь з-пад унутранай акупацыі і не дапусцім вонкавай акупацыі нашай краіны!

Улада - народу!

Жыве Беларусь!», - напісаў Мікалай Статкевіч на сваёй старонцы ў «Фэйсбуку».