Героі намётавага мястэчка ў Бараўлянах: Усё роўна будзем пратэставаць
10- 16.08.2017, 11:15
- 21,470
Міліцыя наведалася ў намётавы лагер.
Сёння раніцай супрацоўнікі міліцыі прыехалі, у намётавы гарадок у Бараўляны, створаны мясцовымі жыхарамі ў знак пратэсту супраць высечкі лесу і пабудовы шашы побач з дамамі. Міліцыянты прыбралі з дрэў расцяжкі лёзунгі «Беражыце лес», паведамляе «Белсат».
«Яны прыбралі ўсе расцяжкі і надпісы, відаць, што вялі пратакол. З мясцовымі жыхарамі не размаўлялі. Працавалі вельмі хутка і зараз ужо з'ехалі. Але мы ўсё роўна будзем пратэставаць», - распавёў Іван, жыхар пасёлка Вопытны.
Нагадаем, у лесе непадалёк ад Менска з'явіўся намётавы гарадок, які сімвалізуе пратэст супраць высечкі лесу і пабудовы шашы побач з дамамі. Жыхары агламерацыі Бараўляны, у якую таксама ўваходзяць пасёлкі Ляскоўка, Лясны і Вопытны, падазраюць мясцовыя ўлады ў карупцыйных сувязях з прыватнымі будаўнічымі кампаніямі.