Пуцін: Беларускія НПЗ павінны выкарыстоўваць толькі расейскія чыгункі

Крэмль хоча «адрэзаць» беларускую нафтавую сферу ад краін Балтыі.

Прэзідэнт РФ Уладзімір Пуцін прапанаваў прапісваць для беларускіх НПЗ строгае абавязацельства выкарыстоўваць расейскую інфраструктуру для перавозкі нафтапрадуктаў.

«Гэта трэба абмяркоўваць ў больш шырокім фармаце. Таму што на беларускіх НПЗ перапрацоўваецца наша нафта, іншай там няма і наўрад ці з'явіцца, таму гэта трэба зрабіць у пакеце - атрыманне нашай нафты ад адпаведных пытанняў выкарыстання нашай інфраструктуры», - сказаў Пуцін на нарадзе аб развіцці транспартнай інфраструктуры паўночнага захаду РФ, паведамляе interfax.by.

На нарадзе кіраўнік ААТ «РЧ» Алег Белазёраў далажыў Пуціну, што беларускія НПЗ адмаўляюцца ад паслуг расейскіх чыгунак на карысць прыбалтыйскай інфраструктуры, нягледзячы на зніжкі ў РФ, спасылаючыся на доўгатэрміновыя кантракты.

«У нафтаналіве мы далі 50% зніжку для перавозкі з беларускіх заводаў, але беларускія заводы пакуль не выкарыстоўваюць ні Усць-Лугу, ні Санкт-Пецярбург, а едуць у рэспублікі Прыбалтыкі. Мы вядзем дыскусію, яны кажуць, што ў іх доўгатэрміновыя кантракты ўкладзеныя, але мы стараемся выбудоўваць з імі дыялог», - сказаў Белазёраў.