У Менску ўсталявалі помнік Уладзіміру Мулявіну
23- 16.08.2017, 20:14
- 33,560
Афіцыйна скульптуру адкрыюць заўтра раніцай.
Першыя выпадковыя гледачы паглядзелі помнік у скверы за Белдзяржфілармоніяй на бульвары Мулявіна. Цяпер скульптуру зноў захінулі да заўтрашняй цырымоніі.
У адрозненне ад першапачатковага праекта вобраз Песняра крыху змяніўся, піша kp.by.
Па-першае, твару Мулявіна атрымалася надаць больш характэрных рыс. Цяпер яго не зблытаеш, як пісалі ў сацсетках, ні з Мікітам Міхалковым, ні з Якубам Коласам. Змянілася становішча рук, можна нават пазнаць, у якім менавіта гарнітуры выяўлены музыка. Трымае Мулявін больш пазнавальную электрагітару.
Скульптар Аляксандр Каструкоў казаў раней, што толькі пасля ліцця можна казаць пра канчатковы выніку работы скульптара.
На пастаменце помніка напісана: «Великому Песняру Беларуси, уральцу Владимиру Мулявину от жителей Свердловской области».