У Менску з'явіцца помнік Уладзіміру Мулявіну

Скульптуру Песняра на бульвары яго імя адкрыюць, хутчэй за ўсё, да 950-годдзя сталіцы.

У адным з канцэртных касцюмаў і абавязкова з гітарай - так вобраз Песняра ўбачыў скульптар Аляксандр Каструкоў, піша kp.by.

- Мулявін нібыта згадвае пра мінулае ці задумваецца пра будучыню. Ён мне заўсёды здаваўся вельмі добразычлівым, сціплым, ціхім... геніем, - кажа скульптар. - Таму мне хацелася стварыць камерную скульптуру, і вышыня сядзячай фігуры Мулявіна складзе прыкладна два метры. Пад купалам нябёсаў фігура Мулявіна павінна здавацца рэальнай, блізкай да людзей. Бо гэта на сцэне Уладзімір Георгіевіч быў уладаром залі, а ў той жа час ён самы звычайны чалавек.

Помнік вырабяць, перавязуць і ўсталююць у Менску на ініцыятыву губернатара Свярдлоўскай вобласці Расейскай Федэрацыі Яўгена Куйвашава за кошт прадпрыемстваў рэгіёну, адкуль родам знакаміты музыка. Такую дамоўленасць дасягнулі падчас візіту дэлегацыі свердлаўчан ў Менску ў лютым.

Работа над помнікам Мулявіна ішла ці ледзь не з 2006-га.

Мастак прызнаецца, што прапанова ўсталяваць у Менску помнік яго аўтарства не была для яго нечаканай. Бо аснову пастановы Каструкоў падрыхтаваў яшчэ гадоў пяць таму. Прычым разглядаў ён варыянты як з фігурай,якая стаіць, так і з фігурай, якая сядзіць. А на вялікі рахунак, праца над помнікам Мулявіну ішла ледзь не з 2006-га, калі мастак выканаў надмагілле Песняра на Усходніх могілках Менска. Таксама ён стварыў мемарыяльную дошку на доме на вуліцы Леаніда Бяды, дзе жыў Мулявін. Дарэчы, бачанне Каструкова ўхваляла ўдава музыкі Святлана Пенкіна.