Крысціян Шынкевіч: 8 верасня на Плошчы пакажам, што гатовыя абараніць краіну
10- 18.08.2017, 9:44
- 29,810
Лепш своечасова выйсці на мірную акцыю пратэсту, чым потым ісці на сапраўдную вайну.
Пра гэта сайту Беларускага Нацыянальнага Кангрэсу bnknews.org заявіў адзін з актыўных удзельнікаў вясновых акцый пратэсту, студэнцкі актывіст Крысціян Шынкевіч, які распавёў, чаму трэба ісці на Кастрычніцкую плошчу ў гадавіну перамогі ў Аршанскую бітву:
- Для мяне дзень 8 верасня - гэта дзень памяці пра нашых продкаў і прашчураў, якія абаранялі нашу краіну. Якія аддавалі за яе сваё жыццё, і сапраўды не для таго, каб на нашай зямлі дзейнічала такая ўлада, як цяпер.
На акцыі мы павінны паказаць, што нам не патрэбныя замежныя войскі ў Беларусі, што мы не дамо ім захапіць нашу краіну, як гэта Пуцін спрабаваў і спрабуе зрабіць з Украінай.
Мне як жыхару Беларусі ніякія чужыя войскі на маёй радзіме не патрэбныя, і пра гэта я магу выказацца 8 верасня. Больш за тое, у выніку магчымай акупацыі нашай краіны, мы можам канчаткова страціць нашу гісторыю, мову, культуру, гісторыю, якую нашы продкі будавалі стагоддзямі.
Лепш выходзіць на Плошчу і выказвацца цяпер, каб захаваць мір на нашай зямлі, чым прамаўчаць, і потым ісці на вайну.
Нагадаем, Акцыя папярэджання пройдзе ў Менску на Кастрычніцкай плошчы 8 верасня. Пачатак - а 19-й гадзіне.