Гішпанская паліцыя ліквідавала пяцярых тэрарыстаў у Камбрыльсе
- 18.08.2017, 10:14
- 10,090
Нападнікі ў Камбрыльсе збілі мінівэнам некалькі чалавек, але былі спыненыя сіламі правапарадку.
18 жніўня паліцыя Каталоніі правяла спецаперацыю ў горадзе Камбрыльс падчас якой выявіла і ліквідавала чацвярых падазраваных у арганізацыі новага тэракту і раніла аднаго з іх. Паводле звестак мясцовых СМІ, на іх былі паясы смяротнікаў, паведамляе interfax.ru.
Пяты тэрарыст, паранены і захоплены ў ходзе спецаперацыі ў каталонскім горадзе Камбрыльсе, сканаў, паведамляе ў сваім афіцыйным Твітэры паліцыя Каталоніі.
«Пяты тэрарыст, паранены ў Камбрыльсе, сканаў», - гаворыцца ў паведамленні.
Нападнікі ў Камбрыльсе ўначы ў пятніцу збілі мінівэнам некалькі чалавек, прычыніўшы ім траўмы, па ўсёй бачнасці ў спробе паўтарыць учынены за некалькі гадзін дагэтуль напад у Барселоне, ахвярамі якога сталі 13 чалавек і больш за 100 атрымалі раненні.
Улады Гішпаніі назвалі тое, што здарылася тэрактам. Прэм'ер-міністр Гішпаніі Марыяна Рахой абвясціў трохдзённую жалобу ў сувязі з тэрактам у Барселоне, а таксама выказаў спачуванні ахвярам нападу і іх блізкім.
Ahora mismo en #Cambrils (no son imágenes fuertes, solo se escuchan tiros). Primero en frente de mi casa y ahora en la de mis padres... pic.twitter.com/HFC6DtqIlu
— Eric 'Diablo'Murillo (@DiabloEMT) 17 августа 2017 г.